tax budget 2025 میں مدارس کے فنڈز میں بڑی کٹوتی
نئی دہلی : tax budget 2025 اس سال مرکزی بجٹ میں اقلیتی امور کی وزارت کے لیے کل 3,350 کروڑ روپے مختص کیے گئے ہیں، جو کہ پچھلے مالی سال کے بجٹ تخمینہ سے تقریباً 166 کروڑ روپے زیادہ اور 2024-25 کے نظر ثانی شدہ تخمینہ سے 1,481 کروڑ روپے زیادہ ہیں
پچھلے بجٹ میں وزارت اقلیتی امور کے لیے 3,183.24 کروڑ روپے کا بجٹ تخمینہ تھا، حالانکہ نظر ثانی شدہ تخمینہ 1,868.18 کروڑ روپے تھا ۔ اس بار ، وزیر خزانہ سینتار من کی طرف سے مختص کر وہ رقم میں، اقلیتی کمیونٹیز کے طلباء کو تعلیمی طور پر با اختیار بنانے کے لیے 678.03 کروڑ روپے کا انتظام کیا گیا ہے ۔ وزارت کے تحت بڑی اسکیموں اور پروجیکٹوں کے لیے کل 1,237.32 کروڑ روپے مختص کیے گئے ہیں ۔
tax budget 2025 میں مدارس پوری طرح سے نظر انداز :
مرکزی بجٹ میں مدارس کو نظر انداز کیا گیا ہے ۔ 2014 سے مدارس کی تعلیمی ترقی کے لیے مختص کئے جانے والے بجٹ میں بتدریج کمی کی گئی ہے۔ 2025-26 کے بجٹ میں تو مدارس کے لیے نہ کے برابر بجٹ مختص کیا گیا ہے ۔ مدارس کی تعلیمی اسکیموں کے لیے 2024-25 میں دو کروڑ مختص کیے گیے تھے لیکن اب اسے کم کر کے 2025-26 میں صرف 0.01 کروڑ روپے یعنی صرف ایک لاکھ روپے کر دیا گیا ۔ اس کے لیے 2024-25 میں نظر ثانی شدہ بجٹ 0.01 کروڑ تھا ۔
اقلیتی طلباء کے ساتھ نا انصافی ؟
اقلیتوں کی ترقی کے لیے ریاستوں کو دی جانے والی امداد میں تقریباً 1,000 کروڑ روپے کا اضافہ کیا گیا ہے ، جسے 2024-25 میں 527.12 کروڑ سے بڑھا کر 2025-26 میں 1,518.31 کروڑ کر دیا گیا تھا لیکن tax budget 2025 کا تخمینہ مرکز کے زیرانتظام علاقوں کو دی جانے والی امداد میں حکومتوں کو 30.06 کروڑ روپے سے کم کر دیا گیا ۔
tax budget 2025 اسکے علاوہ ، اقلیتوں کی ایجو کیشن بجٹ میں تیزی سے کمی آئی ہے کیونکہ اس سال کا بجٹ 678.03 کروڑ ہے جو پچھلے سال یہ بجٹ 1,575.72 کروڑ تھا ۔ پری میٹرک اور پوسٹ میٹرک اسکالر شپس، مولانا آزاد نیشنل فیلوشپ (ایم اے ایف)، مفت کو چنگ اور تعلیمی قرض پر سود پر سبسڈی جیسی اسکیمیں اقلیتوں کو مکمل تعلیمی با اختیار بنانے کے تحت آتی ہیں ۔ ان اسکیموں کا نظر ثانی شدہ بجٹ 2024-25 میں 517.72 کروڑ رہا۔
مرکزی حکومت نے سینٹرل سیکٹر کی اسکیموں اور پروجیکٹوں کے فنڈز میں بھی کٹوتی کی ہے جس میں تعلیمی ترقی ، ہنر مندی کی ترقی اور ذریعہ معاش، اقلیتوں کے لیے خصوصی پروگرام اور وزیرا عظم وراثت کا سمور دھن (PM-VIKAS) اسکیم شامل ہیں ۔ 2024-25 میں ، اس کے لیے بجٹ 2,120.72 کروڑ تھا ، جسے 2025-26 میں کم کر کے 1,237.32 کروڑ روپے کر دیا گیا ۔ مالی سال 2024-25 میں ان اسکیموں کا نظر ثانی شدہ بجٹ 770 کروڑ روپے تھا ۔
