سعودی عرب میں چھ سال بعد واٹس ایپ کالز بحال – مستقل یا عارضی؟
- سعودی عرب
سعودی عرب میں واٹس ایپ کے صارفین چھ سال کے وقفے کے بعد دوبارہ وائس اور ویڈیو کال کرنے کے قابل ہوگئے ہیں۔
عرب میڈیا رپورٹ کے مطابق سعودی عرب کے شہری چھ سال کے بعد اب واٹس ایپ پر ویڈیو کال کرسکیں گے لیکن یہ سوالات اٹھائے جارہے ہیں کہ آیا یہ تبدیلی مستقل ہوگی یا عارضی ثابت ہوگی۔
واٹس ایپ کے ذریعے وائس اور ویڈیو کالز پر سے پابندیاں ہٹانا حیران کن ہے کیونکہسعودی حکام کی جانب سے اس سے قبل کوئی سرکاری اعلان نہیں کیا گیا تھا۔
ماہرِ ٹیکنالوجی عبداللہ الصبیعی کا کہنا ہے کہ یہ اقدامات ٹیلی کمیونیکیشن اور ڈیجیٹل انفراسٹرکچر کو بڑھاوا دینے کے لیے سعودی عرب کی تام تر کوششوں سے ہم آہنگ ہے اور حتی الامکان صارفین کے لیے مواصلات کو بہتر بنائے گا۔
دنیا کی مقبول ترین میسجنگ ایپ واٹس ایپ نے 2015 میں وائس کالز اور 2016 میں ویڈیو کالز متعارف کروائی تھیں۔ تاہم ریگولیٹری پالیسیوں کی وجہ سے سعودی عرب میں یہ فیچرز 2019 میں بلاک کر دیے گئے تھے۔
اگرچہ صارفین اس بدلاؤ کا خیرمقدم کر رہے ہیں، بہر حال فیچر کی طویل مدتی دستیابی پر غیر یقینی صورتحال ہوبہو برقرار ہے کیونکہ حکومت کی جانب سے کوئی تصدیق فراہم نہیں کی گئی ہے