راجہ سنگھ کا اشتعال انگیز بیان، مسلمانوں کو کھلی دھمکی
تلنگانہ کے گوشہ محل حلقہ سے بی جے پی کے ایم ایل اے ٹی راجہ سنگھ ایک بار پھر اپنے اشتعال انگیز بیان کی وجہ سے خبروں میں ہیں ۔ انہوں نے حیدر آباد کے ایم پی اسدالدین اویسی کے چھوٹے بھائی اور اسے آئی ایم آئی ایم لیڈر اکبر الدین اویسی کو ان کے 15 منٹ کے متنازعہ بیان کے انداز میں جواب دیا ہے ۔ ایک اجتماع سے خطاب کرتے ہوئے انہوں نے پریاگ راج میں جاری مہا کمجھ اور ناگا سادھوؤں کے حوالے سے بیان دیا ۔
بی جے پی ایم ایل اے راجہ سنگھ نے کہا کہ تم لوگ ہمیں کیا کہتے ہو کہ پندرہ منٹ دے دو، پولیس کو ہٹا دو، 100 کروڑ ہندوؤں کو ختم کر دیں گے بولنے والے آج اتر پردیش میں مہا کمبھ ہو رہا ہے ، وہاں جا کر کروڑوں ہندو لنگا میں اسنان کر رہے ہیں ۔ اس دوران انہوں نے ناگا سادھوؤں کا ذکر کرتے ہوئے اتر پردیش اور حیدر آباد کے مسلمانوں کو دھمکی دی ہے ۔ انہوں نے یہ ویڈیو سوشل میڈیا پلیٹ فارم ایکس پر شیئر کی ۔ اس ویڈیو میں قابل اعتراض الفاظ استعمال کیے گئے ہیں جنہیں بھارت ایکسپریس تحریر نہیں کر سکتا ۔
انہوں نے کہا کہ ناگ سادھوؤں کی تاریخ یہ ہے کہ وہ کبھی بھی عوام میں نہیں آتے ، وہ صرف کمبھ کے دوران آتے ہیں ، اگر آپ ان کی تاریخ کو دیکھیں تو سناتن پر جب بھی کوئی بحران آیا ، انہی ناگا سادھوؤں نے تلوا، بھالا اٹھایا ۔ اکبر الدین اویسی کی ایک پرانی تقریر کا حوالہ دیتے ہوئے انہوں نے کہا کہ اگر ہمارے ناگا سادھوؤں کو حیدر آباد بھیجا جائے تو 15 منٹ تک بولنے والے پاکستان چلے جائیں گے ، ہندوؤں سے کوئی نہ ٹکرانا ، ہندو جب اٹھا ہے تب تاریخ لکھا ہے ۔
