اب مہاتما گاندھی کہ جگہ نوٹ پر انوپم کھیر کی تصویر

.

.

 

.

احمد آباد: گجرات کے احمد آباد کے صرافہ بازار مانک چوک میں سونے اور چاندی کے ایک تاجر کے ساتھ کروڑوں روپے کی دھوکہ دہی ہو گئی۔ بدمعاش ٹھگوں نے 500-500 بنڈلوں میں 1.30 کروڑ روپے کے جعلی نوٹ زیورات کے تاجر کو دیے اور 2 کلو 100 گرام سونا لے کر فرار ہو گئے۔

خبر کے مطابق، صرافہ تاجر میہول ٹھاکر کو ان کے جاننے والے پرشانت پٹیل، لکشمی جیولرز کے منیجر کا فون آیا تھا۔ انہوں نے ان اسے بتایا کہ وہ 2 کلو 100 گرام سونا خریدنا چاہتے ہیں۔ جس کے بعد دونوں کے درمیان 2100 گرام سونے کے لیے 1.60 کروڑ روپے کا سودا ہوا۔ خبر کے مطابق میہول کئی سالوں سے لکشمی جیولرس کے ساتھ کاروبار کر رہا ہے۔ جس کے بعد دھوکہ باز نے 500 روپے کے بنڈلوں میں 1.30 کروڑ روپے کے جعلی نوٹ ان کے حوالے کر دیے۔

میڈیا رپورٹس کے مطابق میہول ٹھاکر نے اپنے ملازم بھرت جوشی کو انگڈیا فرم کو 2100 گرام سونا پہنچانے کے لیے بھیجا تھا۔ جب بھرت جوشی وہاں پہنچے تو اس نے گنتی کی مشین ایک آدمی کو دی۔ دوسرے شخص نے بھرت جوشی سے سونا لیا اور تیسرے شخص نے بتایا کہ تھیلے میں 1.30 کروڑ روپے تھے اور باقی 30 لاکھ روپے دفتر سے سے لے کر آنا ہے۔

تینوں لوگ بھرت جوشی کو نظروں سے اوجھل رکھتے ہوئے سونا لے کر وہاں سے فرار ہو گئے۔ ملازم نے بیگ سے 500 روپے کا بنڈل نکالا تو دیکھا کہ 500 روپے کے تمام نوٹوں پر انوپم کھیر کی تصویر چھپی تھی۔ ان جعلی نوٹوں پر ریزرو بینک آف انڈیا کے بجائے ریزول بینک آف انڈیا لکھا ہوا تھا۔ پولیس اب ملزم کی تلاش میں ہے۔

حیران کن بات یہ ہے کہ 500 روپے کے نوٹوں پر مہاتما گاندھی کے بجائے بالی ووڈ فلم اداکار انوپم کھیر کی تصویر چھپی تھی اور ریزرو بینک آف انڈیا کے بجائے ‘ریزول بینک آف انڈیا’ لکھا گیا تھا۔ اس کی اطلاع ملتے ہی تاجر میہول موقع پر پہنچ گئے اور جب انہوں نے دریافت کیا تو معلوم ہوا کہ یہاں کوئی انگڈیا فرم نہیں ہے۔

انوپم کھیر بھی حیرت زدہ ہو گئے

اداکار انوپم کھیر نے بھی جعلی نوٹوں پر اپنی تصویر دیکھ کر حیرت کا اظہار کیا ہے۔ انوپم نے سوشل میڈیا پلیٹ فارم ‘X’ پر لکھا، "لو جی کر لو بات! 500 روپے کے نوٹ پر گاندھی جی کی تصویر کے بجائے میری تصویر؟؟؟؟ کچھ بھی ہو سکتا ہے!”

.