ہوشیار! KYC اپ ڈیٹ کے نام پر ہو رہا ہے فراڈ، کہیں آپ بھی نہ ہو جائیں شکار
.
.
.
.
.
.
ڈیجیٹل دنیا کے اس دور میں سائبر کرائم تیزی سے بڑھ رہے ہیں ، کون کس راستے آپ کے ساتھ دھوکہ کر جائے کچھ کہا نہیں جاسکتا ، لیکن کچھ چیزیں ایسی ہیں جس کے ساتھ آپ دھو کہ ہر گز برداشت نہیں کریں گے اور وہ ہے آپ کے بینک اکاونٹ میں جمع رقم ۔ شاید یہی وجہ ہے کہ مالیاتی لین دین سے متعلق تمام دھوکہ دہی کو روکنے کے لیے اب ہر چیز میں KYC کولازمی قرار دے دیا گیا ہے ۔ KYC کے بعد ، ٹیکس چوری سے لے کر اسکیموں میں دھاندلی تک ہر چیز کو روک دیا گیا ہے ۔ فی الحال کئی چیزوں میں KYC کولازمی قرار دیا گیا ہے ۔ اب سائبر ٹھگوں نے اس چیز کا فائدہ اٹھانا شروع کر دیا ہے، حال ہی میں KYC سے متعلق دھوکہ دہی کے کئی معاملے سامنے آئے ہیں، جس میں لوگ KYC کرنے جا رہے تھے لیکن پھر ان کا پورا بینک اکاؤنٹ خالی کر دیا کیا۔
KYC اپ ڈیٹ کے نام پر دھوکہ دہی
سائبر ٹھگ KYC اپڈیٹ کے نام پر آسانی سے لوگوں کو نشانہ بنا رہے ہیں ۔ اس کے لیے لوگوں کے فون پر ایک پیغام بھیجا جاتا ہے، جس میں بینک کا نام یا اسکیم کا نام لکھا جاتا ہے ۔ کہا جاتا ہے کہ KYC مکمل نہیں ہوا ہے اور اس کے بغیر آپ کا بیٹنگ سے متعلق کام رک سکتا ہے ۔ بہت سے لوگ KYC کو اپ ڈیٹ کرنے کے لیے لنک پر کلک کرتے ہیں اور اس کے فوراً بعد ان کے اکاؤنٹ سے رقم نکل جاتی ہے ۔ میسجز کے علاوہ اس طرح کے فراڈ کالز پر بھی ہو رہے ہیں ، جس میں کہا جاتا ہے کہ آپ کا KYC مکمل نہیں ہے ، اس کے لیے فون پر رہتے ہوئے کچھ اقدامات بتائے جاتے ہیں اور ایک لنک بھیجا جاتا ہے ، جس پر کلک کرنے پر آپ سائبر فراڈ کا شکار ہو جاتے ہیں۔
.
.
.
ان باتوں کو ذہن میں رکھیں
.
.
.
.
اگر آپ کو کوئی KYC پیغام ملتا ہے ، تو اس پر بالکل کلک نہ کریں ۔ اس میں دیے گئے لنکس پر بھروسہ نہیں کیا جاسکتا ۔ آپ کو بینک کی سرکاری ویب سائٹ پر جانا ہو گا اور چیک کرنا ہو گا کہ آیا آپ کا KYC مکمل ہے یا نہیں ۔ اس کے علاوہ آپ بینک جا کر بھی جان سکتے ہیں ۔ اگر کوئی آپ سے کال پر KYC کرنے کو کہے ، تو سیدھا انکار کر دیں اور اسے بتائیں کہ آپ یہ کام بینک جا کر کریں گے ۔ آپ کو یہ سب باتیں اپنے گھر میں موجود بزرگوں اور دوسرے لوگوں کو بتانا چاہیے ۔