دربھنگہ میئر نے کیا بڑا مطالبہ
(دربھنگہ میئر ) ملک میں ہولی اور جمعہ کی نماز سے متعلق کچھ لوگوں کے متنازعہ بیان کی وجہ سے نئی بحث شروع ہو گئی ہے ۔ اسی درمیان ، بہار کے دربھنگہ میئر انجم آرا کا غیر معمولی اور بولڈ بیان سامنے آیا ہے ۔ انہوں نے ہولی اور جمعہ کی نماز سے متعلق شہر کے باشندوں سے امن امان برقرار رکھنے کی اپیل کی ہے ۔ انہوں نے گزارش کی کہ جمعہ کو ساڑھے 12 بجے سے دوپہر 2 بجے تک ہولی کھیلینے پر روک لگائی جائے تاکہ مسلم طبقہ جمعہ کی نماز ادا کر سکے
میئر انجم آرا نے کہا کہ جمعہ کا وقت آگے نہیں بڑھایا جا سکتا، اس لئے شہر کے باشندوں کو آپسی بھائی چارہ بنائے رکھنے کے لئے اس دوران ہولی سے پر ہیز کرنا چاہئے ۔ انہوں نے خاص طور پر اپیل کی کہ مسجدوں اور نماز ادا کرنے والے مقامات کے پاس ہولی نہ کھیلی جائے ۔
انجم آرا نے کہا، ” جھگڑا کوئی نہیں کرنا چاہتا ہے ۔ دو چار شر پسند عناصر ہیں ، جن کی وجہ سے یہ سب ہوتا ہے ۔ میں دربھنگہ کے لوگوں سے کہنا چاہوں گی کہ آپ انتظامیہ کی مدد کیجئے ۔ ضرورت پڑنے پر انتظامیہ کی مدد لیجئے ۔ تاکہ کسی بھی ناگہانی حادثہ سے بچا جا سکے ۔ ہم لوگوں نے ترکیب نکالی ہے کہ ہولی کو دو گھنٹے کے لئے روکا جائے ۔ ساڑھے 12 بجے سےدو بجے تک ہولی کو روک کر جمعہ کی نماز ادا کرنے دیا جائے ۔ “
در بھنگلہ ضلع انتظامیہ نے بھی امن کمیٹی کی میٹنگ کے بعد یہ فیصلہ لیا ہے ۔
انتظامیہ کا کہنا ہے کہ ہولی اور رمضان پہلے امن وامان کے ساتھ منائے گئے ہیں اور اس بار بھی سبھی طبقات کو ایک دوسرے کی جذبات کا احترام کرنا چاہئے ۔
واضح رہے کہ یوپی کے سنبھل کے سی اوا نوج چودھری کے ذریعہ ہولی اور جمعہ کی نماز سے متعلق دیئے گئے ایک متنازعہ بیان کے بعد پورے ملک میں ہنگامہ برپا ہے ۔ دراصل، سنبھل سی او انوج چودھری نے میڈیا سے بات چیت کے دوران کہا تھا کہ ہولی سال میں ایک بار آتا ہے اور جمعہ سال میں 52 بار آتا ہے ۔ اگر کسی کو رنگ سے پر ہیز ہے تو وہ گھر سے باہر نہ نکلیں ۔ ہولی کے دن گھر پر ہی نماز ادا کریں ۔
آپ کو بتا دیں کہ جمعہ (14) مارچ) کو ہولی کا تہوار ہے اور اس دن نماز جمعہ بھی ادا کی جائے گی ۔
