جیل میں قید اعظم خان کی مشکلات میں اضافہ، کیس کی دوبارہ تفتیش
سماج وادی پارٹی کے سینئر لیڈر اعظم خان ، جو سپا کے دور حکومت میں 18 سال قبل پاپڑ فیکٹری کو بلڈوز کرنے اور بھتہ مانگنے کے الزام میں سلاخوں میں ہیں ، کی مشکلات بڑھ گئی ہیں ۔ عدالت نے پولیس کی حتمی رپورٹ مسترد کرتے ہوئے کیس کی دوبارہ تحقیقات کا حکم دے دیا ہے ۔ کیس کی اگلی سماعت 19 فروری کو ہوگی ۔
الزام ہے کہ 19 جولائی 2006 کو اعظم خان کے حکم پر انتظامی اہلکاروں نے سنجانی نانکر میں موجود پاپر فیکٹری، سیلر اور فلور مل کو زبر دستی منہدم کرا دیا تھا ۔
متاثرہ ذوالفقار خان کا یہ کہنا ہے کہ ایس پی لیڈر نے ان سے 5 لاکھ روپے کی مانگ کی تھی اور جب انہوں نے دینے سے انکار کیا تو اس کارروائی کا ارتکاب کیا گیا ۔
اس پورے معاملے میں 10 جولائی 2007 کو اعظم خان کے خلاف رامپور کے گنج پولیس اسٹیشن میں بھتہ خوری ، دھمکی ، حملہ اور توڑ پھوڑ کی دفعات کے تحت مقدمہ درج کیا گیا تھا ۔ تفتیش کے بعد پولیس نے حتمی رپورٹ عدالت میں جمع کرائی تاہم مدعی نے اعتراض اٹھاتے ہوئے پولیس کی کارروائی پر سوال اٹھایا ۔
ایف آئی آر جولائی 2007 میں درج ہوئی تھی
سال 2007 میں بہوجن سماج پارٹی (بی ایس پی) کے اقتدار میں آنے کے بعد ، متاثرین نے 10 جولائی 2007 کو سپرنٹنڈنٹ آف پولیس (ایس پی) کو ایک تحریری شکایت پیش کی ۔ اعظم خان کے خلاف گنج پولیس اسٹیشن میں بھتہ خوری کے الزام میں ایف آئی آر درج کی گئی۔
پولیس نے اپنی تفتیش مکمل کرنے کے بعد حتمی رپورٹ عدالت میں جمع کی ہے جس میں شکایت کنندگان کو نوٹس ارسال کئے گئے ۔
تاہم اب متوفی افضل خان کے بیٹے ذوالفقار خان نے اپنے وکیل کے ذریعے پولیس کے نتائج کو چیلنج کرتے ہوئے تفتیش کی دیانتداری پر سوالیہ نشان لگا دیا ۔ مدعی کے دلائل سننے کے بعد ایم پی ایم ایل اے مجسٹریٹ ٹرائل کورٹ نے پولیس رپورٹ کو مسترد کرتے ہوئے دوبارہ تحقیقات کا حکم دیا ہے۔
