حماس کی دنیا بھر سے مدد کی اپیل اور فلسطینی عوام کی قربانی
اسلامی تحریک مزاحمت ‘حماس’ نے غزہ میں بہادری اور ثابت قدمی کا مظاہرہ کرنے والے فلسطینی عوام کو مخاطب کرتے ہوئے کہا ہے کہ ہم نے ان کے ساتھ اس عہد کی تجدید کی ہے کہ ہم ان کے حقوق کے محافظ اور نگہبان رہیں گے ۔
حماس نے ایک بیان میں کہا ہے کہ آج پوری دنیا کو غزہ میں ہمارے عوام کی شاندار استقامت اور 471 دنوں کے دوران ان کے صبر اور قربانیوں کو خراج تحسین پیش کرنا چاہیے ۔ حماس نے کہا کہ جنگ بندی کے داخلے کے ساتھ ہم معاہدے کی شرائط پر عمل درآمد کے لیے اپنے عزم کا اعادہ کرتے ہیں ۔
یہ جنگ بندی عظیم لوگوں کی استقامت اور صبر کا ثمر اور دہشت گردی اور قتل و غارت کی صهیونی مشین کے مقابلے میں ہماری بہادرانہ مزاحمت کی شاندار ثابت قدمی کا نتیجہ ہے ۔
انہوں نے اس بات پر زور دیا کہ ہمارے بہادر قیدیوں کی آج سے آزادی کے ساتھ ملاقات ہے اور یہ ہمارا ان کے ساتھ ہمیشہ پختہ عہد ہے جب تک وہ جیلر کی بیڑیاں توڑ کر فلسطین کے آسمان پر آزادی کا سانس نہیں لیتے ہم ان کی رہائی کے لیے جد وجہد جاری رکھیں گے ۔ انہوں نے کہا کہ ہم اپنے لوگوں کو امداد پہنچانے اور ریلیف فراہم کرنے کی کارروائیوں کی پیروی کر رہے ہیں جو بھی ضروری ہے ہم کریں گے ۔
ہم اس بات پر زور دیتے ہیں کہ زندگی کے چکر کو بحال کرنے کے لیے تمام ضروری مدد اور شہریوں کو ان کی ضروریات فراہم کرنے کے لیے تمام ممکنہ کوششیں کی جائیں گی
سچ کے ساتھ آزاد میڈیا وقت کی اہم ضرورت ہے روزنامہ خبریں سخت ترین چیلنجوں کے سالیے میں گزشتہ دس سال سے یہ خدمت انجام دے رہا ہے ۔
اردو، ہندی ویب سائٹ کے ساتھ یوٹیوب چینل بھی ۔ جلد انگریزی پورٹل شروع کرنے کا منصوبہ ہے ۔ یہ کاز عوامی تعاون کے بغیر نہیں ہو سکتا ۔ اسے جاری رکھنے کے لیے ہمیں آپ کے تعاون کی احتیاج ہے ۔
