شاہی جامع مسجد کے قریب پولیس چوکی، تنازع نے شدت پکڑی

سنبھل 27 دسمبر : اتر پردیش کے سنبھل میں 24 نومبر کو شاہی جامع مسجد میں سروے کے دوران بھڑک اٹھے تشدد کو دیکھتے ہوئے انتظامیہ نے بڑا فیصلہ لیا ہے ۔ اب شاہی جامع مسجد کے سامنے خالی گراؤنڈ میں نئی پولیس چوکی بنائی جائے گی ۔ اس کے لیے جگہ کو نشان زد کر دیا گیا ہے ۔ اور اسی پر بس نہیں ایڈیشنل ایس پی اور سی او سریچندرا نے بھی اس جگہ کی پیمائش کی ہے۔

سنبھل کے ایڈیشنل ایس پی سر یچندرا نے آج تک سے بات کرتے ہوئے کہا کہ سیکورٹی کے نقطہ نظر سے اس جگہ پر پولیس چوکی بنانے کا فیصلہ کیا گیا ہے ۔ پولیس چوکی کی تعمیر کا کام جلد از جلد شروع کیا جائے گا۔

اسے ایس پی پولیس فورس کے ہمراہ جامع مسجد کے پاس پہنچے تو مسجد کمیٹی اور آس پاس کے لوگ اپنی زمینوں کے کاغذات لے کر ان کے پاس پہنچے گئے ۔ انہوں نے بتایا کہ یہ لوگ کا غذات اس لیے لائے تھے کہ ان کا کہنا ہے کہ یہ جگہ ان کی ہے ۔ ہم اس کا جائزہ لیں گے ۔