کابل میں الاقصی مسجد، طالبان کو آزاد یروشلم کی امید

.

.

.

کابل: یروشلم کی الاقصیٰ مسجد کے گنبد صخرٹی کی مشابہت والی ایک مسجد کا آج کابل میں افتتاح کیا گیا ہے۔ افغانستان کے میڈیا نے اطلاع دی کہ نئی ملا عمر مسجد وسطی کابل کے ایک پارک میں اونچے مقام پر بنائی گئی ہے اور اس کیلئے استنبول کی آرگنائزیشن آئی ڈی ڈی ای ایف نے فنڈس فراہم کئے۔ یہ مسجد طالبان اقتدار کی وزارت داخلہ کی ہدایت پر تعمیر کی گئی ہے۔ طالبان کے ارکان نے کہا کہ انہیں امید ہے 120,000 ڈالر کی لاگت سے تعمیر کردہ یہ مسجد حقیقی الاقصیٰ مسجد کو صیہونی کنٹرول سے آزاد کرانے کا موجب بنے گی ۔

 

 

یہ مسجد فلسطین اور الاقصیٰ کی تئیں مسلمانوں بالخصوص افغانوں کے غیر معمولی محبت کی عکاس ہے۔

 

 

طالبان کے کارگذار وزیر داخلہ سراج الدین حقانی نے
اس مسجد کا افتتاح کیا۔ انہوں نے اس موقع پر خطاب میں کہا کہ حماس اسرائیل جنگ میں مسلمانوں کی تائید و حمایت کرنا اسلامی فرض ہے۔ انہوں نے فلسطینیوں کے خلاف ظلم و زیادتی پر اسرائیل اور یہودیوں کی مذمت کی ۔