لاؤڈاسپیکر اذان پر پابندی : ہائی کورٹ نے پوچھے بجرنگ دل کے لیڈر سے سخت سوالات

.

.

.

.

گجرات ہائی کورٹ نے منگل کو ایک مفاد عامہ کی عرضی (PIL) کو مسترد کر دیا جس میں مساجد سے اذان کی نشریات کے لیے لاؤڈ اسپیکر کے استعمال پر پابندی لگانے کا مطالبہ کیا گیا تھا ۔

 

 

 

چیف جسٹس سنیتا اگر وال اور جسٹس انیرودھ پی مائی کی بنچ نے درخواست کو مکمل طور پر غلط قرار دیا ۔ قابل ذکر بات یہ ہے کہ بجرنگ دل لیڈر شکتی سنگھ جالا نے ہائی کورٹ میں مفاد عامہ کی عرضی داخل کی تھی ۔ کہا گیا کہ لاؤڈ سپیکر کے ذریعے اذان دینے سے صوتی آلودگی ہوتی ہے ۔ اس سے عام لوگوں بالخصوص بچوں کی صحت بری طرح متاثر ہوتی ہے اور دیگر تکلیفیں ہوتی ہیں ۔ ہائی کورٹ نے پایا کہ درخواست گزار کے دعووں میں تجرباتی ثبوت اور سائنسی بنیادوں کا فقدان ہے۔

 

 

 

بنچ نے اپنے فیصلے میں اس بات پر زور دیا کہ اذان جو عام طور پر زیادہ سے زیادہ 10 منٹ تک جاری رہتی ہے ۔ ڈیسیبل کی سطح تک پہنچنے کا کوئی امکان نہیں ہے کہ جو صوتی آلودگی کا خطرہ بن سکتی ہو۔

 

 

 

اس نے درخواست گزار کی یہ ثابت کرنے کی صلاحیت کے بارے میں شکوک و شبہات پیدا کیے کہ اذان کے دوران لاؤڈاسپیکر کے ذریعے بڑھی ہوئی انسانی آواز صحت عامہ کے لیے خطرہ بننے کے لیے کافی ڈیسیبل پیدا کر سکتی ہے ۔

 

 

عدالت نے درخواست گزار کے وکیل سے مندر کی رسومات کے دوران گھنٹوں اور گھنٹیوں کی آواز کے بارے میں بھی سوال کیا۔

 

 

 

بنچ نے پوچھا آپ کے مندر میں صبح کی آرتی بھی ڈھول اور موسیقی کے ساتھ 3 بجے شروع ہوتی ہے ۔ اس وقت بہت سے لوگ سو رہے ہوتے ہیں ۔ کیا یہ شور نہیں کرتا ؟ کیا آپ یہ دعویٰ کر سکتے ہیں کہ گھنٹوں اور گھنٹیوں کی آواز صرف مندر کے احاطے تک محدود ہے ؟

 

 

اگر لاؤڈ اسپیکر کے ذریعے کیر تن بھجن ، آٹھ گھنٹے یا 24 گھنٹے طویل نواہ کو شور کی آلودگی کا سبب سمجھا جائے تو آپ کیا کہیں گے ؟